60 வயது மனைவியை தீ வைத்து கொலை செய்த 65 வயது தாத்தா... காரணம் என்ன தெரியுமா?

மனைவி தன்னை சேர்த்துக்கொள்ளாததால் 65 வயது கணவர் ஒருவர் கோபத்தில் தீ வைத்து கொலை செய்துள்ளது அதிர்ச்சியை ஏற்படுத்தியுள்ளது.
திருப்பத்தூரை சேர்ந்தவர் சேஷாசலம்(65). ஒரு அடகுக் கடையில் வேலை பார்க்கும் இவரது மனைவி மல்லிகா(60). இவர்களுக்கு 2 மகள்கள், ஒரு மகன் உள்ள நிலையில் 3 பேருக்குமே திருமணமாகிவிட்டது.
இதனால் சேஷாசலமும் மல்லிகாவும் தனியாக வசித்து வந்துள்ளனர். இந்நிலையில் 10 வருடத்திற்கு முன்பு வெள்ளை தழும்பு நோயினால் பாதிக்கப்பட்ட கேஷாசலத்தின் உடலில் நிறைய இடங்களில் தழும்புகள் ஏற்பட்டுள்ளது.
இந்நிலையில் மல்லிகா இதனைக் காரணம் காட்டி பலமுறை மனசு நோகும்படி பேசியுள்ளார். இதனால் அவமானப்பட்டு தனிமையில் அழுத கணவர், ஒரு கட்டத்தில் மனைவியை கொலை செய்ய முடிவு செய்துள்ளார்.
சம்பவத்தன்று மல்லிகா தூங்கி கொண்டிருக்கையில், பெட்ரோலை எடுத்து அவர் மீது ஊற்றி தீ வைத்ததில் மல்லிகா பரிதாபமாக கருகி உயிரிழந்துள்ளார்.
இந்நிலையில் சடலத்தினைக் கைப்பற்றிய பொலிசார், பிரேத பரிசோதனைக்கு அனுப்பியதோடு சோஷாசலத்தினைக் கைது செய்துள்ளனர்.
விசாரணையில் அவர் கலங்கியபடியே சொல்லும்போது, "கல்யாணம் ஆகி 40 வருஷமாகிறது. மல்லிகாவின் செயல்பாடு அப்போதிருந்தே சரியில்லை... எப்பொழுதும் போனிலேயே தான் இருப்பார்.
எனக்கு வெள்ளை தழும்பு ஏற்பட்ட பிறகு என்னை அருவருப்பாக பார்த்ததோடு, கிட்டக்கூட சேர்க்காமல் காயப்படுத்தியே பேசினாள். இதனால் மன உளைச்சலில் இருந்த நான் இவ்வாறு செய்துள்ளதாக கூறியுள்ளார்.

Related News